Rikthehen Horford e Crowder, Celtics gjen fitoren

Një përballje shumë interesante mes Pistons e Celtics u zhvillua në mëngjesin e sotëm, me skuadrat që dhuruan emocione deri në sekondat e fundit të takimit.

Çereku i parë ishte më i mirë për mysafirët nga Bostoni, të cilët shënuan 6 treshe në këtë çerek, ndërsa që nga çereku i dyti e deri në fund, epërsia ishte e ngushtë herë për njërën skuadër e herë për skuadrën tjetër.

Të kompletuar pas rikthimit të dy startuesve, Jae Crowder e Al Horford, të cilët munguan për shumë ndeshje radhazi, Bostoni u tregua skuadër më e vëmendshme në fund dhe e fitoi takimin. Më meritori për këtë fitore ishte i rikthyeri Al Horford, i cili shënoi pikët vendimtare 2 sekonda para fundit kur rezultati ishte 92-92 dhe bllokoi tentimin e Detroitit për barazim dhe kështu ndeshja u mbyll me fitoren e Bostonit me shifrat 92-94.

TABELAT E KONFERENCAVE

Sa i përket pikëve gjatë gjithë ndeshjes, më i dalluari tek Celtics ishte Isaiah Thomas me 24 pikë, 4 kërcime e 8 asistime, ndërsa tek Pistons u veçua Marc Morris me 24 pikë, 4 kërcime e 2 asistime.

Kjo ishte humbja e parë e Detroitit në shtëpi sivjet, ndërsa seria e tyre momentale është 6-8. Ndërkohë Celtics, pas 13 ndeshjeve kanë 7 fitore e 6 humbje.