CELTICS vs WARRIORS
Luftëtarët radhisin fitoret, triumfojnë ndaj Bostonit
19 November, 2016 @8:39
Golden State Warriors formën e mirë e vazhdoi edhe kundër Boston Celticsit.
Fitoren e gjashtë me radhë, luftëtarët e regjistruan në TD Garden, duke e mposhtur kundërshtarin me rezultat 104-88.
Dallimi u bë te çereku i tretë, ku djelmoshat e trajnerit Steve Kerr shënuan 31 pikë, derisa me mbrojtje të mirë pësuan vetëm 9 pikë, që bëri të ngritet epërsia.
Klay Thompson ishte koshashënuesi më i mirë te Warriorsat me 28 pikë të shënuara, derisa u ndihmua edhe nga Kevin Durant me 23 pikë të tjera.
Te keltët, të cilët edhe në këtë takim ishin pa dyshen startuese Horford-Crowder, më i miri ishte Isaiah Thomas me 18 pikë.
Kjo ishte fitorja e 10 e Golden State Warriorsit pas 12 ndeshjeve të zhvilluara.
