PAS FITORES
Valdrin Haxhiu, KB Trepça/ BOROZANI/ D.S.
Valdrin Haxhiu: Dëshira e madhe dhe tifozët, sollën fitoren
17 November, 2016 @11:00
Kapiteni i Trepçës, Valdrin Haxhiu, në deklaratën e tij pas ndeshjes së fituar ndaj Sutjeskës mbrëmë në “Minatori” ka thënë se dëshira e madhe dhe tifozëria kanë qenë çelës për fitoren e rëndësishme të ekipit.
“Disa humbje me radhë dhe ndërrimi i trajnerit na bëri që të nisim ndeshjen nën presion. E dinim se Sutjeska është ekip i madh dhe ka ekip cilësor, por dëshira e madhe e jona për fitore dhe përkrahja e pandalshme e tifozërisë, ka qenë çelës i fitores sonë,” ka thënë ai për faqen zyrtare të BIBL.
Haxhiu ka qenë më efikasi te Trepça mbrëmë nga tabori i vendorëve, duke shënuar 6 pikë e 1 kërcim në fitoren e dytë të ekipit mitrovicas në debutimin e tyre në BIBL.
