MEMPHIS vs CLIPPERS
Arushave s’iu bën përshtypje seria e Clippers
17 November, 2016 @8:59
Arushat e Memphisit arritën ta ndalin skuadrën që ishte më në formë në NBA sivjet, Los Angeles Clippersin.
Spanjolli Marc Gasol, i cili shënoi një tresh në sekondat e fundit të ndeshjes, e vulosi fitoren për skuadrën e tij me rezultat 111-107.
Koshashënuesi më i mirë te Grizzlies ishte Mike Conley i cili luajti me 30 pikë dhe u ndihmua edhe nga Gasoli me 26 pikë të tjera.
Te skuadra e trajnerit Doc Rivers, më i dalluari ishte JJ Redick me 29 pikë, por nuk mjaftuan për ta vazhduar serinë e fitoreve.
Kjo ishte humbja e dytë e stinorit për Clippers, derisa i kanë 10 fitore deri më tani.
