Rikthimi i hatashëm i Suns

Në katër ndeshjet e kaluara për Phoenix Sunsin, Brandon Knight, nuk shënoi mbi 13 pikë. Mbrëmë, ai bëri gjithçka për ekipin e tij që të rikthehet në çerekun e fundit për të mposhtur Chicago Bullsin si mysafir. 

Bulls kishte epërsi 77-61 para fillimit të çerekut të fundit, dhe atëherë Phoenix filloi të ‘nxehej’. 

Mirza Teletovic shënoi 20 pikë, duke përfshirë këtu edhe pikën 0.3 sekonda para fundit të ndeshjes për të rikthyer ekipin nga disavantazhi 16 pikësh në fitoren e madhe. 

Brandon Knight shënoi 17 pikë vetëm në çerekun e fundit, nga 21 sa i shënoi në total gjatë ndeshjes, derisa rezultati i çerekut të fundit ishte 42-24 për Phoenixin. 

Te Chicago, përkundër 22 pikëve të Pau Gasolit, 19 të Jimmy Butlerit dhe 14 të tjera nga Derrick Rose, ishte e pashmangshme humbja pas performancës fantastike të Phoenixit në fund të ndeshjes. 

Phoenix tash ka bilanc prej 9 fitoreve e 13 humbjeve, derisa Chicago 11-7.