OKLAHOMA
nba.com
Rrufeja godet në vazhdime
11 November, 2013 @12:10
Në letër, Oklahoma ishte favorite e ndeshjes dhe atë bindshëm. Por basketbolli luhet në parket dhe këtë më së miri e dëshmoi skuadra e Washingtonit.
Edhepse niveli i Washingtonit është më i ulët sesa i Oklahomës, ‘magjistarët’ ishin shumë afër që të befasojnë në Chesapeake Energy Arena.
Thunder, në çerekun e katërt, ishte 12 pikë epërsi në disavantazh, ku arritën ta barazojnë pikërisht me performancën e shkëlqyer të Kevin Durantit, për të shkuar në vazhdime.
Durantulla, nuk u ndalë edhe në vazhdime, ku e mori tërë përgjegjësinë ngase Russell Westbrook, ishte përjashtuar nga ndeshja me dy gabime teknike.
Ndeshja përfundoi me rezultat të ngushtë 106-105.
KD, luajti me 33 pikë, 13 kërcime, 6 asistime, e u ndihmua edhe nga Sergie Ibaka me 25 pikë, 12 kërcime.
Ndërsa në anën tjetër, Bradley Beal shkëlqeu me 34 pikë, që ishte rekordi i tij personal, por nuk mjaftuan për fitore befasuese të Washingtonit.
Kjo ishte fitorja e pestë e Oklahomës, derisa kanë vetëm një humbje. Ndeshjen e radhës do të luajnë kundër Los Angeles Clippers.
Video
Performanca e Kevin Durantit
