Rumania U20 fiton EURO Div. B duke e mposhtur Kroacinë në finale

Basketbollistët e rinj të Rumanisë, duke e mposhtur Kroacinë në finale, kanë arritur të triumfojnë për herë të parë në Kampionatin Europian të Divizionit B për grupmoshat nën 20 vjeçare dhe me këtë të sigurojnë plasmanin te më të mirët e basketbollit për Europianin e radhës.

Rumania, me përkrahjen e adhuruesve vendas, rreth 2 mijë, ka mposhtur Kroacinë në finale 80 - 67 për të marrë trofeun.

Emanuel Cate, që u shpall MVP i kampionatit, shënoi 20 pikë dhe 13 kërcime në fitore, ndërsa Tudor Gheorghe shtoi 16 pikë, 8 asistime e 4 kërcime në fitoren e rumunëve, që do të debutojnë në Divizionin A, vitin tjetër.

Roko Badzim me performancën e tij, 17 pikë, 6 kërcime e 5 asistime, u dallua te Kroacia, por nuk mjaftoi për t’i mposhtur organizatorët e europianit.

Gjithsesi, Kroacia U20 arriti qëllimin që të plasohet shpejt në Divizionin A, pasi që përveç triumfuesit në Divizionin A shkojnë edhe Kroacia U20 si e dyta dhe Britania e Madhe U20 si e treta, që mposhti Rusinë U20 81-65.

Rumania U20 ka qenë në një grup me Shqipërinë, ndërsa Kroacia U20 ka qenë në një grup me Kosovën.

Kosova përfundoi europianin në pozitën e 12, ndërsa Shqipëria, në të 14-tën.

EURO U20/DIV.B Renditja përfundimtare