Samiri shkrin Teodon

Samir Shaptahovic është treguar maestral në pjesën e dytë të ndeshjes sonte ndaj Teodos për t’ia sjellë fitoren e madhe ekipit kampion të Kosovës ndaj Teodos në Karagaç të Pejës. 

Shaptahovic ka shënuar 27 pikë dhe ka realizuar tre asistime, për tu bërë lojtari më efikas i ndeshjes në fitoren e ngushtë pejane ndaj malaziasve. 

Peja nuk ia nisi mirë ndeshjes. Teodos i shkonte gati gjithçka prej dore, derisa as Samiri as Fred House nuk arrinin që të qëllonin me tentimet nga larg. Mossaktësia e tyre u reflektua edhe në lojë te Pejës, që ra në disavantazh 24-41 në fund të pjesës së parë. 

Por Samiri si duket energjinë e vërtetë të tij e kishte ruajtur për pjesën e dytë të ndeshjes ku shpërtheu tërësisht, derisa snajperi i tij filloi t’ia qëllonte nga çdo cep. E kjo reflektoi te tërë ekipi, që u ngjallë tërësisht dhe me mund arriti te fitorja e shumëkërkuar, që doli të jetë më se e merituar në fund. 

Sa për kuriozitet, përveç Shaptahovicit, vetëm Fred House ka arritur të shënojë pikë dyshifrore sonte te Peja. House shënoi 17 pikë. 

Rezultatet dhe tabela aktuale.