S’e deshti as kësaj radhe

Kampionja e Kosovës në basketboll, Peja, nuk arriti as pas ndeshjes së saj të tretë të shënojë fitore në kuadër të Balkan League, duke regjistruar kështu humbjen e tretë në katër xhirot e para të BIBL. 

Peja u mposht sonte si mysafire e Kumanovës në Kumanovë, 93-85. Verdhezinjtë e udhëhequr nga Daniel Lutz ia nisën mirë ndeshjes, ku me ndërrime në rezultat, arritën që të përfundojnë çerekun e parë në favor të tyre, 18-19. 

Kumanova për herë të parë arriti në epërsi, pasi që Samir Shaptahovic humbi topin në çerekun e parë kah minuta e pestë e takimit, ku transferi i ri i kumanovarëve Roy Parran kaloi ekipin e tij të ri në epërsi. 

Përkundër se Peja u këndell deri në fund, çereku i tretë pa rënie në lojë të verdhezinjëve, të cilët ranë në deficit prej 13 pikëve në disa momente. 

E kur Daniel Lutz zëvendësoi pas Time Outit, Samir Shaptahovicin me Fred Housein si dhe Teo Simovicin me George Odufuwan, Peja u rikthye. 

Treshet e Drilon Hajrizit dhe Vedran Morovicit u treguan esenciale në rikthim, derisa ne minutën e fundit të ndeshjes, nga një rast për të barazuar rezultatin, Samir Shaptahovic, dështoi nga vija e treshes, ku Kumanova e ngriti atë dhe më shpresa nuk kishte. 

Peja regjistroi humbjen e tretë duke mbetur ekipi i vetëm pa fitore, derisa Kumanova përmirësoi bilancin duke regjistruar dy fitore, krahas vetëm një humbjeje të pësuar nga Sigal Prishtina në xhiron e parë. 

Lojtari më i mirë te Peja ishte Drilon Hajrizi me efiçencë 21, duke shënuar 19 pikë, regjistruar 2 asistime dhe 4 kërcime. Pas tij në shprehje erdhën edhe Vedran Morovic me 20 pikë të shënuara dhe George Odufuwa me 9 pikë e 9 kërcime. 

Te kundërshtari më të dalluarit ishin serbët Ivan Miskovic me 24 pikë të shënuara dhe 6 kërcime, si dhe Vukasin Mandic me 20 pikë të shënuara dhe 5 asistime e 5 kërcime. 

Rezultatet dhe tabela aktuale.

Statistikat ekipore

	Kumanova	Peja
Çereku i parë	18	19
Çereku i dytë	20	17
Çereku i tretë	28	23
Çereku i katërt	27	26
Kërcime	25	28
Asistime	16	14
Bllokada	3	-
Topa të vjedhur	10	5
Topa të humbur	5	15
Tentime për tre pikë	7/23	12/25
Tentime për dy pikë	26/40	18/34
Tentime nga gjuajtjet e lira	20/26	13/17

Statistikat individuale te Kumanova

1	Ivan Miskovic	24 pikë	6 kërcime	1 asistim
2	Vukasin Mandic	20 pikë	5 kërcime	5 asistime
3	Marjan Janeski	15 pikë	2 kërcime	1 asistim
4	Royce Parran	12 pikë	5 kërcime	5 asistime
5	Darko Radulovic	12 pikë	3 asistime	2 kërcime
6	Marjan Mladenovic	6 pikë	2 kërcime	1 asistim
7	Marino Sarlija	4 pikë	3 kërcime

Statistikat individuale te Peja

1	Vedran Morovic	20 pikë	1 kërcim
2	Drilon Hajrizi	19 pikë	4 kërcime	2 asistime
3	Samir Shaptahovic	13 pikë	6 asistime
4	Fred House	11 pikë	4 kërcime	2 asistime
5	Mirza Ahmetbasic	10 pikë	3 kërcime	2 asistime
6	George Odufuwa	9 pikë	9 kërcime
7	Gerti Shima	2 pikë	4 kërcime	2 asistime
8	Teo Simovic	1 pikë	3 kërcime