Shorti i çerekfinales dhe të kualifikuarit

Me sonte ka përfunduar faza e një të tetës së finales së Europa League, ndërsa befasinë më të madhe e bëri Dinamo Zagreb, kurse pas kësaj llogaritur me formën në ligë që e kishte, edhe Slavia e Pragës është befasi duke e mposhtur Rangersin skocez.

Në fund, janë 8 skuadra që kanë siguruar çerekfinalen, ndërsa nesër prej orës 13:00 në Nyon të Zvicrës hidhet shorti për përballjet e radhës në garën e dytë më të rëndësishme evropiane.

Nga dy përfaqësues në garë kanë Anglia e Spanja, ndërsa të tjerët nga një.

Arsenal, Manchester United, Villarreal, Granada, Ajax, Roma, Slavia dhe Dinamo janë tetëshja që do të vazhdojnë garën dhe nesër në short do të mësojnë kundërshtarin e radhës.