Mislav Orsic hat-trick për befasinë e ditës. Dinamo eliminon Tottenhamin

Dinamo Zagreb ka arritur që të bëj befasinë e dorës së parë në Europa League, duke eliminuar ekipin anglez Tottenham Hotspur.

Tottenham që kishte fituar ndeshjen e parë pa shumë telashe në Londër 2-0, sonte duroi 60-minuta, pas së cilës filloi rënia. Ka qenë sulmuesi me përvojë kroat Mislav Orsic që ka shënuar hat-trick për të rrënuar ekipin e Jose Mourinhos nga garat evropiane.

Orsic së pari shënoi në minutën e 62 të ndeshjes, më pas dha edhe një 20 minuta më vonë, për të çuar ndeshjen në vazhdime.

E kur Spurs priste kryerjen e ndeshjes dhe shkuarjen në penallti, Orsic ka shënuar për 3-0 (106) për të siguruar kualifikimin për në çerekfinale të garës për ekipin më të madh kroat.

Reprezentuesi i Kosovës, Lirim Kastrati, përgjatë tërë ndeshjes ka qenë në bankën rezervë.

Jose Mourinhos, nuk i ndihmuan as 6 zëvendësimet në ndeshje për të shënuar së paku një gol, që do t’i kishte çuar tutje.