Shpresat nuk zhgënjenjë, përmbysin Andorrën dhe janë afër befasisë

Shqipëria U21 ka arritur që të shënojë fitoren e dytë me radhë në ndeshjet kualifikuese të shtatorit për EURO2021.

Ekipi i drejtuar nga Alban Bushi përkundër se ishte befasisht në disavantazh, ka arritur të kthehet në lojë në pjesë të dytë për të shënuar fitore ndaj Andorrës U21, 3-1 [Selmani 62, Vrioni 85, Bullari 90+5 - Alaez 2p].

Me këtë fitore, kuqezinjtë e rinj kanë arritur që t’i afrohen në një pikë Austrisë U21 në klasifikim dhe tashmë dy xhiro para fundit të kualifikimeve kanë gjasa të jashtëzakonshme për të luftuar për një vend që dërgon në evropianin e të rinjve.

Dy ndeshjet e fundit për Shqipërinë U21 janë ndaj Kosovës U21 si mysafir dhe Anglisë U21, gjithashtu si mysafir.

Ndërsa, Austria U21 në tre ndeshjet e fundit ndeshet me Kosovën U21, Turqinq U21 - si mysafir dhe merr në shtëpi në ndeshjen e fundit Andorrën U21.