PRIZRENI
TOPSPORTI / Arian Paçarizi
Si debutuan përforcimet e Prizrenit?
29 September, 2019 @22:48
Prizreni në ndeshjen e parë të stinorit 2019/20, pësoi ndaj Pejës me rezultat 70-78.
Më i miri te skuadra prizrenase ishte amerikani Malcolm Canada. Canada ishte te Prizreni edhe në vitin e kaluar. Ai sonte luajti me 21 pikë, 8 kërcime, 5 asistime e 2 topa të rrëmbyer.
Canada mori ndihmë edhe nga përforcimi i ri Arnold Sanders, i cili u dallua me 20 pikë, 5 asistime e 4 kërcime.
Përforcimi i dytë Bennet Holley me 4 pikë e 5 kërcime, nuk tregoi një performancë mbresëlënëse së paku në ndeshjen e parë të stinorit.
Prizreni gjithashtu luajti pa lojtarin Elliott Cole, që ishte njëri ndër lojtarët kyç në stinorin e kaluar.
