XHIROJA III
4 ekipe pa humbje
28 October, 2015 @14:04
Pas xhiros së tretë në Ligën e Parë të Kosovës në basketboll, katër skuadra ende nuk e kanë shijuar humbjen: Rahoveci, AS Kastrioti, Kosova dhe Drita, e cila ka zhvilluar dy lojë ngase në xhiron e dytë ka pushuar.
Rahoveci e mposhti me lehtësi Kaçanikun me rezultat 95-46, gjithashtu edhe AS Kastrioti Lipjanin, 113-79, ndërsa ndeshja Kosova e Vushtrrisë me Kalanë e Prizrenit, pati emocione deri në fund të ndeshjes, ku fitues doli Kosova me rezultat 75-72.
Drita triumfoi në shtëpinë e tyre ndaj Megasportsit, 92-69, derisa New Born Prishtina e regjistroi fitoren e parë kundër Fushë Kosovës, me rezultat 99-88.
