Dygolësh nga Muhamet Hyseni, Llapi mposhtë Prishtinën

Me rezultat 0-2 (Muhamet Hyseni 15’ 86’) e ka fituar duelin e sotëm ndaj Prishtinës skuadra e Llapit, për ta vazhduar kështu luftën për titullin kampion.

Muhamet Hyseni ishte ai që ia dha epërsinë llapjanëve, duke shënuar për 0-1 në minutën e 15’, e ky rezultat mbeti i pandryshueshëm deri në minutën e 86’, kur i njëjti lojtar shënoi për 0-2, gol i cili u pranua pas rishikimit me VAR.

TABELA AKTUALE

Meritor që Llapi mbeti për kohë të gjatë në epërsi 0-1 ishte portieri Ilir Avdyli, i cili sot zhvilloi një paraqitje mjaft të mirë.

Fitorja e sotme bën që Llapi të kalojë në vendin e dytë, me Dritën që lëshoi pikë në udhëtim te Dukagjini. Llapjanët për momentin janë 2 pikë larg Ballkanit lider, kurse për Prishtinën ky sezon i Superligës pothuajse ka përfunduar, me vëmendjen kryesore që është te finalja e Kupës.

Xhiron që vjen, Prishtina i shkon Lirisë në Prizren, kurse Llapi e pret Niklin 74.