Simonovski e Balde për fitore, Drita mposhtë Prishtinën

Pas 4 ndeshjeve radhazi pa fitore në ligë, Drita fitoreve iu rikthye sot në duelin ndaj Prishtinës.

Ndeshjen kryesore të xhiros Drita e fitoi 2-0 (Marko Simonovski 48’, Prince Balde 81’).

Gjatë pjesës së parë të dyja skuadrat dhuruan lojë mjaft të mirë, por përkundër rasteve për shënim, rrjetat mbeten të patundura.

TABELA AKTUALE

Në minutën e 48’, sulmuesi Marko Simonovski me të djathtën shënoi një supergol, për t’ia dhënë kështu Dritës epërsinë fillestare. Më vonë, në minutën e 81’ për rezultatin final 2-0 shënoi Prince Balde me kokë dhe kështu Drita e arriti fitoren e 13 sezonale.

Me këtë fitore, Drita është tetë pikë larg kreut të renditjes, kurse Prishtina për momentin renditet në vendin e gjashtë.

Pas pushimit të kombëtareve, Drita i shkon Ulpianës, kurse Prishtina e pret Llapin.