Skënderbeu i fortë, arrin rrethin e tretë

Dy gola të shënuar në pjesën e dytë kanë çuar Skënderbeun në rrehtin e tretë të kualifikimeve të Europa Ligës sonte.

Ish kampioni i Shqipërisë është treguar i fortë ndaj ekipit kazak, Kairat Almaty, duke e mposhtur 2-0 në Korçë sonte, edhepse korçarët shkonin përpara edhe me rezultatin fillestar të ndeshjes 0-0, pasi që në Almaty kishin shënuar golin si mysafir në barazimin 1-1.

Mesfushori me përvojë Sabien Lilaj shënoi golin e avantazhit për Skënderbeun, ndërsa kalimin tutje e vulosi sulmuesi zëvendësues, Sebino Plaku, që shënoi për 2-0.

Për më tepër, Lilaj në 20 minutat e fundit la bashkëlojtarët në mungesë numerike, pasi që u ndëshkua me karton të kuq, që gjithsesi do të jetë hendikep për Skënderbeun në turin e radhës.

Kaq mjaftoi për Skënderbeun e Ilir Dajës që të shkojë tutje, ndërsa tash në rrethin e tretë të garave kualifikuese të Europa Ligës, e pret Mlada Boleslav.