Skënderbeu në grupet e Europa Leagues!

Skënderbeu arrin kualifikimin në grupet e Europa Leagues!

Barazimi pa gola i arritur sonte në ‘Elbasan Arena’ ishte i mjaftueshëm që Skënderbeu të kualifikohet për në Europa League, kjo falë golit të shënuar në Zagreb javën e kaluar, me takimin e parë që përfundoi 1-1.

Skënderbeu luftoi deri në sekondat e fundit të takimit dhe e arriti synimin kryesor, për ta përsëritur kështu historinë e arritur pak vite më parë.

Që nga minuta e 78’, Skënderbeu ishte me një lojtar më pak në terren pas përjashtimit të Nimagas, i cili u largua nga loja për shkak të dy kartonëve të verdhë, mirëpo kjo nuk e ndryshoi epilogun final të takimit dhe Skënderbeu u kualifikua!

Kjo është hera e dytë që Skënderbeu arrin të kualifikohet për në grupet e Europa Leagues, ndërsa se me kë do të jetë në grup, do ta kuptojmë pas shortit të nesërm.