DRAFT 2016
Sonte mbahet drafti në NBA
23 June, 2016 @23:13
Në natën që lidh datat 23 dhe 24 qershor, do të mbahet drafti i NBA për sezonin e ardhshëm 2016/2017, ngjarje në të cilën shumë lojtarë të rinjë do të bëhen pjesë e ligës më të fortë të basketbollit në botë.
Ashtu siç është tërhequr në short, zgjedhja e parë në “draftim” i takon Philadelphias, e dyta i takon skuadrës së LA Lakers, ndërsa zgjedhjen e tretë do ta bëjnë Boston Celtics e kështu me radhë.
Pas përfundimit të kampionatit ditë më parë, transferimet veç kanë filluar, me Derrick Rosen që kompletoi transferimin e tij tek New York Knicks gjatë ditës së djeshme, ndërsa përveç tij janë përfolur edhe shumë shkëmbime të ndryshme, të cilat pritet të ndodhin në javën në vijim. Kombinimet nga zgjedhjet e draftit dhe shkëmbimet në mënyra të tjera pritet ta bëjnë edhe më interesante ligën sezonin e ardhshëm.
Ceremonia e draftit fillon sonte në ora 01:00 pas mesnatës dhe lojtarët më premtues sipas analistëve janë Brandon Ingram, Ben Simmons dhe Buddy Hield. Se kush, ku do të përfundojë, mbetet të shihet sonte.
