WILDCARD
BOROZANI/ L. D.
Sot kuptohet kush e plotëson vendin e zbrazët në Superligë
27 August, 2018 @14:28
Pasi që ka kaluar afati për aplikim në konkursin për të përzgjedhur ekipin që do të plotësojë vendin e zbrazët nga Peja në Superligë të Kosovës në basketboll për edicionin 2018/19, sot pritet të kuptohet se cili ekip do ta zë atë vend.
Kështu ka bërë të ditur sekretarja e FBK-së, Elvira Dushku, e cila përmes e-mailit ka konfirmuar për Borozani.com se pasditen e sotme do të sqarohet gjithçka sa i përket çështjes WildCard për Superligën 2018/19 dhe garave për edicionin e ri.
Vendi i zbrazët u krijua, pasi që KB Peja nuk përfilli afatet e FBK-së për paraqitje dëshmish lidhur me lëvizje drejt kryerjes së obligimeve për borxhe ndaj lojtarëve, raste të humbura në BAT via FIBA.
FBK nuk e regjistroi Pejën për edicionin 2018/19 dhe shpalli konkurs për WildCard, ndërsa Vendimi pritet të zbulohet sot.
