SHAWN JONES
Reprezentuesi i Kosovës në elitën izraelite
25 August, 2018 @11:14
Njëri ndër lojtarët e natyralizuar të Kosovës, amerikani Shawn Jones, është lojtar i ri i ekipit izraelit, Hapoel Holon.
Jones 203 centimetra i gjatë dhe 26 vjeç, së fundi ka qenë pjesë e ekipit të Serie A-së italiane, Banco di Sardegna.
Amerikani, që është i rregullt në përfaqësuesen e Kosovës dhe së fundi ka marrë ftesë edhe nga Damir Mulaomerovic në listën e gjërë për parakualifikueset për Eurobasket 2021, ka pasur mesatare prej 10.4 pikëve për ndeshje dhe 7 kërcimeve në elitën e basketbollit italian.
