Stërvitjet filluan me 12 lojtarë

Kombëtarja e Kosovës ka nisur sot përgatitjet për dy ndeshjet e rëndësishme të tetorit në kuadër të Ligës së Kombeve, kundër Lituanisë dhe Qipros, të cilat zhvillohen më 12, përkatësisht 15 tetor.

Në seancën e parë stërvitore morën pjesë 12 futbollistë: Arjanet Muric, Visar Bekaj, Amir Rrahmani, Mërgim Vojvoda, Ilir Krasniqi, Andi Hoti, Donat Rrudhani, Elvis Rexhbeçaj, Florent Muslija, Fisnik Asllani, Emir Sahiti dhe Eliot Bujupi.

KONFERENCA PËR SHTYP E FRANCO FODËS

Pjesa tjetër e futbollistëve që luajtën gjatë të dielës në klubet e tyre zhvilluan stërvitje rigjeneruese në palestër.

TABELA AKTUALE, REZULTATET & ORARI

Atmosfera në kamp është pozitive dhe lojtarët janë në formë të mirë fizike.

Trajneri Franco Foda, së bashku me stafin e tij teknik, po punojnë për të përgatitur skuadrën sa më mirë për ndeshjen e parë kundër Lituanisë.

LISTA E LOJTARËVE TË FTUAR

Prej orës 15:00 më 12 tetor luhet ndeshja Lituania-Kosova, ndërsa nga ora 20:45 më 15 tetor, Kosova pret Qipron.

Aktualisht, grupin e kryeson Rumania me 6 pikë, ndiqet nga Kosova dhe Qiproja me nga 3 pikë, ndërsa Lituania është pa pikë.