Suhareka vendase për Prizrenin

Duelet e xhiros së tretë të Superligës së Kosovës në basketboll nisin sot, ndërsa Prizreni-16 do të jetë vendas në Suharekë ndaj ekipit suharekas dhe kampionit aktual të Kosovës, GE Ylli.

Palestra Sezai Surroi në Prizren është bërë qendër vaksinimi ndaj Covid-19, prandaj skuadrat po shtegëtojnë në palestrat tjera për të zhvilluar duelet e elitës së basketbollit.

Kjo llogaritet të jetë ndeshja më interesante e kësaj xhiroje, ndërsa nis sonte me fillim prej orës 19:00.

ORARI dhe TABELA AKTUALE

Ndërsa në ora 17:00 ndeshja që e hap xhiron luhet mes Dritës dhe Trepçës. Trepça hyn në këtë ndeshje pas dënimit të madh të pranuar nga FBK-ja pas incidentit “Koljevic” në Minatori, ndërsa ka tre lojtarë të suspenduar.

Gjilanasit, përkundër se aktualisht kanë një të huaj në ekip dhe vendorët e zakonshëm, pritet të bëjnë diç më shumë në këtë ndeshje.