GAME 4: LAKERS - SUNS
Suns barazon serinë, Lakers në telashe me Davis
31 May, 2021 @10:51
Phoenix Suns arriti një fitore të rëndësishme si mysafirë kundër kampionit aktual Lakers.
Suns e mposhti kundërshtarin me rezultat 92-100 dhe e barazoi serinë në 2-2.
Pjesa e parë e ndeshjes ishte e barabartë, kurse në sekondat e fundit të pjesës së parë u lëndua super ylli Anthony Davis dhe ndikoi dukshëm në performancën e Los Angeles Lakers.
Suns e kontrolloi ndeshjen në pjesën e dytë dhe e shfrytëzoi më së miri mungesën e Davis dhe kështu e barazoi serinë.
Chris Paul me 18 pikë ishte më i dalluari te Suns, derisa u ndihmua edhe nga Devin Booker e Jae Crowder me nga 17 pikë secili.
Te Lakers si zakonisht më i veçuari ishte LeBron James me 25 pikë, 12 kërcime e 6 asistime.
Ndeshja e pestë do të luhet më 2 qershor nga ora 4:00.
