GAME 4: HAWKS - KNICKS
Hawks një fitore larg gjysmëfinaleve
31 May, 2021 @10:05
Atlanta Hawks është një fitore larg gjysmëfinaleve në Konferencën Lindore.
Hawks e mposhti Knicksin me rezultat 113-96 dhe kaloi 3-1 në epërsi.
Rezultati ishte i ngushtë në pjesën e parë të ndeshjes, derisa dallimi u bë në pjesën e dytë ku Atlanta e kërkoi fitoren më shumë se kundërshtari dhe e arriti.
Trae Young me 27 pikë e 9 asistime ishte më i miri te Hawks, u dallua edhe John Collins me 22 pikë e 8 kërcime.
Në anën tjetër Julius Randle luajti me double-double prej 23 pikëve, 19 kërcimeve e 7 asistime por nuk mjaftoi për fitore.
Atlanta tani është 3-1 në epërsi dhe i nevojitet një fitore për t’u kualifikuar në gjysmëfinale të Konferencës Lindore.
Ndeshja e radhës do të luhet më 3 qershor nga ora 1:30.
