Super Peja fluturon lartë

Palestra e stërmbushur në Karagaç sot ka festuar fitoren e gjashtë të Pejës në Balkan League. Kampionja e Kosovës ka shënuar fitore të rëndësishme ndaj ekipit maqedonas, Kumanova, nga e cila ishte mposhtur në përballjen e parë.

Pejanët e filluan shpejtë ndeshjen me pikët e Fred House që në akcionin e parë dhe krijuan serinë prej 10-2 në katër minutat e para të takimit.

Epërsia e Pejës në çerekun e parë me trepikëshin e Rron Grapcit u ngrit deri në 16 pikë (27-11).

Loja perfekte e Pejës vazhdoi edhe në çerekun e dytë. Verdhezinjtë sidomos në gjysmën e dytë të këtij çereku ishin të pandalshëm për mbrojtjen e Kumanovës,

ndërsa në fund të gjysmëlojës semafori tregonte rezultatin 54-34 në të mirë të Pejës.

Maqedonët në çerekun e tretë e ngushtuan paksa epërsinë duke hyrë në periudhën e fundit me 15 pikë disavantazh (68-53).

Çereku i katërt filloi me një seri 6-0 të Kumanovës që në minutën e parë, ndërsa akulli u thye me trepikëshin e Samir Shaptahovicit, i cili i dha frymë ekipit të tij.

Edhe 5 minuta pa mbaruar takimit, Kumanova e ngushtoi epërsinë deri në 5 pikë me trepikëshin e amerikanit Parran, duke e detyruar trajnerin pejan, Danijel Lutz, një minutë pushim.

Pikët e Gerti Shimës dhe të Drilon Hajrizit e treguan të suksesshme time out-in e Lutzit, ndërsa edhe 40 sekonda pa përfunduar ndeshja Samir Shaptahovic shënoi trepikëshin e pestë të tij në ndeshje për rezultatin 80-73.

Në fund, Peja shënoi fitoren e gjashtë në Balkan League, duke iu hakmarrë Kumanovës për humbjen në përballjen e parë.

Rezultatet dhe tabela aktuale.

Statistikat ekipore

	Peja	Kumanovo
Çereku i parë	27	14
Çereku i dytë	27	20
Çereku i tretë	14	19
Çereku i katërt	13	22
Kërcime në mbrojtje	28	26
Kërcime në sulm	6	9
Gjithsej kërcime	34	35
Asistime	20	18
Topa të vjedhur	12	9
Topa të humbur	16	18
Bllokada	3	7
Tentime për tre pikë	7/18	10/28
Tentime për dy pikë	25/47	15/36
Tentime nga gjuajtjet e lire	10/15	15/22

Statistikat individuale te Peja

1	Samir Shaptahovic	19 pikë	7 asistime	2 kërcime
2	Teo Simovic	16 pikë	6 kërcime	4 asistime
3	Gerti Shima	14 pikë	6 kërcime
4	Drilon Hajrizi	11 pikë	9 kërcime	2 asistime
5	Fred House	10 pikë	7 asistime	6 topa të vjedhur
6	George Odufuwa	8 pikë	6 kërcime
7	Rron Grapci	3 pikë	2 kërcime

Statistikat individuale te Kumanovo

1	Vukasin Mandic	19 pikë	5 kërcime	4 asistime
2	Royce Parran	16 pikë	7 asistime	4 kërcime
3	Ivan Miskovic	11 pikë	16 kërcime	1 asistim
4	Darko Radulovic	11 pikë	3 asistime	1 kërcim
5	Ivica Dimchevski	5 pikë
6	Marjan Janeski	4 pikë	5 kërcime	1 asistim
7	Darko Kosteski	3 pikë	2 kërcime	1 asistim
8	Darko Stanimirovic	3 pikë	1 kërcim	1 asistim
9	Marjan Mladenovic	3 pikë	1 kërcim