Superliga vazhdon me derbi

Këtë fundjavë, saktësisht të shtunën më 21 janar 2017, nis pjesa e dytë e stinorit në Superligë të Kosovës në basketboll, ndërsa në program janë disa ndeshje të rëndësishme e një derbi i madh.

BASHKIMI - PRISHTINA

Bashkimi në “Sezai Surroi” pret Sigal Prishtinën kampione, ndërsa duelet e këtyre dy skuadrave këtë stinor kanë qenë tepër interesante, derisa në bilancin e ndërmjetëm deri tash këtë stinor në të gjitha garat janë baraz 2-2.

Bashkimi, por edhe Sigal Prishtina, kanë shënuar fitore si vendas, nga një në Superligë dhe nga një në BIBL.

TABELA AKTUALE E SUPERLIGËS

Në përballjet tjera, duel interesant pritet të zhvillohet të dielën në Suharekë, ku në palestrën “13 qershori” takohen Golden Eagle Ylli - Peja.

YLLI - PEJA

Ylli së fundi ka bërë përforcime si nga tabori vendor ashtu edhe nga ai i huaj. Të gjithë këta basketbollistë pritet të debutojnë në ndeshjen e vështirë ndaj Pejës.

Në anën tjetër, Peja duket ekipi më i konsoliduar në Superligë deri tash. Verdhezinjtë kanë hyrë nëpër binarë nga trajneri Aleksandar Todorov, që po drejton skuadrën matur dhe pa shumë pompozitet, por sigurt drejt suksesit.

TJERA

Të shtunën Rahoveci pret Kerasan Prishtinën, ndërsa Trepça Vëllaznimin, në ndeshje ku pritet që ekipet vendase të kalojnë pa shumë telashe rivalët.

Orari i ndeshjeve: