SERIA FINALE E SHQIPËRISË
Teuta merr epërsinë në serinë finale
5 May, 2019 @21:38
Teuta ka shënuar fitore si mysafir në ndeshjen e parë të serisë finale të PlayOffit të kampionatit shqiptar, duke fituar ndaj Goga Basketit 84-88 sonte.
Tash Teuta merr epërsinë 1-0 në serinë finale dhe është më afër titullit kampion, ndërsa më meritori për fitoren e ekipit durrësak ka qenë Endrit Hysenagolli me 20 pikë e 10 kërcime.
CJ Wilson ka shënuar 18 pikë e 5 asistime në fitore, ndërsa 17 të tjera ka shtuar Genti Lasku për fitoren e ekipit të Teutës, që dallimin kryesor e ka bërë në çerekun e fundit (8-12).
Në anën tjetër te Goga më efikasi ka qenë Kevin Allen me 29 pikë e 16 kërcime!
Dueli i radhës i serisë zhvillohet të mërkurën më 8 maj në Ramazan Njala të Durrësit.
