Tifozët pejanë, në Karagaç shikojnë finalen

Pasi që FBK e konsideruar të rrezikshme, udhëtimin e tifozëve mysafirë në ndeshjet finale të Superligës, tifozëria pejane ka vendosur që ndeshjen e parë të serisë finale ta shikojë në palestrën Karagaç të Pejës përmes projektorit, ka bërë të ditur faqja zyrtare e KB Peja në Facebook pak më parë. 

Në fakt, ata kishin planifikuar që ta shikojnë ndeshjen në ambient të hapur në qendër të qytetit, mirëpo për shkak të motit jo të mirë, kanë vendosur që të shikojnë në folenë e KB Peja.  

“Ndalohet prezenca e tifozërisë se KB Prishtina në ndeshjet që do të zhvillojen në Pejë dhe tifozërisë së KB Peja për ndeshjet që do të zhvillohen në Prishtinë, për shkak të rrezikshmërisë, acarimit të marrëdhënieve në finale të Kupës gjatë muajit të kaluar dhe kërcënimeve të ndërsjella në ditët e fundit,” kishte shkruar Komesari i Garave të FBK-së në vendimin e tij, lidhur me tifozëritë për finale. 

Sigal Prishtina pret Pejën sonte në Pallatin e Rinisë dhe të Sporteve në Prishtinë, në ndeshjen që pritet të nis në 20:30.