TOP 5-shja e javës në Superligë (10)

TopSporti.com ka zgjedhur më të mirët e xhiros së dhjetë në Superligën e Kosovës në basketboll.

Ekipin e javës e përbëjnë: Elliott Cole (Prizreni), Christian Bradford (Rahoveci), Samir Zekiqi (Ylli), Justin Gray (Rahoveci) dhe Terik Bridgeman (Bashkimi).

Prizreni në këtë xhiro e mposhti Pejën me rezultat 95-99 dhe u hakmorr për ndeshjen e parë në të cilën ishte mposhtur

Elliott Cole në këtë ndeshje shkëlqeu me 32 pikë, 6 kërcime e 5 asistime. Cole gjithashtu ishte i saktë nga vija e treshit 5 herë në 8 tentimet që i bëri.

Rahoveci sivjet e mposhti Prishtinën në dy ndeshje. Në ndeshjen e luajtur në kuadër të xhiros së dhjetë, vreshtarët triumfuan ndaj kampionit aktual me rezultat 87-94.

Christian Bradford shkëlqeu me 21 pikë, 8 asistime, 5 kërcime e 3 topa të vjedhur, kurse Justin Gray ishte shumë afër shifrave triple-double. Ai luajti me 13 pikë, 9 kërcime e 9 asistime.

Ylli në këtë xhiro ka fituar pas 3 humbjeve rresht, e më meritori në fitoren e skuadrës nga Suhareka ishte Samir Zekiqi.

Zekiqi luajti me 24 pikë, derisa ishte i saktë 100% nga tentimet për dy pikë dhe 75% në gjuajtjet për tri pikë.

Bashkimi serinë e fitoreve e ngriti në pesë ndeshje rresht, duke e mposhtur Lipjanin. Terik Bridgeman ishte më i miri te Bashkimi me double-double prej 20 pikëve e 10 kërcime, derisa për herë të tretë është duke u zgjedhur me performancën e tij në pesëshen e javës.