TEAM OF THE WEEK
TOP 5-shja e javës në Superligë (21)
20 January, 2020 @13:44
Pas ndeshjeve të përfunduara të xhiros së 21 në Superligën e Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë: Valon Bunjaku (Ylli), Dardan Berisha (Peja), Ty Nichols (Prizreni), Drilon Hajrizi (Peja) dhe Darrell Davis (Rahoveci).
Ylli e mposhti Trepçën me rezultat 90-83. Më i dalluari te skuadra suharekase ishte Valon Bunjaku. Valoni në këtë ndeshje luajti me double-double prej 18 pikëve e 11 asistimeve, derisa në statistikat personale i shtoi edhe 3 kërcime e 2 topa të rrëmbyer.
Peja doli fituese në derbin e luajtur kundër Prishtinës. Më të mirët për skuadrën pejane ishin Dardan Berisha e Drilon Hajrizi. Berisha luajti me 26 pikë, 4 asistime e 3 kërcime, derisa ishte i saktë nga vija e treshit 6 herë në 10 tentime.
Hajrizi në derbi luajti me double-double prej 15 pikëve e 13 kërcimeve.
Prizreni e mposhti me lehtësi Feronikelin. Më i veçuari ishte Ty Nichols me 24 pikë, 7 asistime e 6 kërcime.
Një tjetër ndeshje e lehtë për Rahovecin u zhvillua në “Mizahir Isma”. Vreshtarët e mposhtën Lipjanin, derisa më i dalluari ishte Darrell Davis me 24 pikë e 5 kërcime.
