TEAM OF THE WEEK 26
TOP 5-shja e javës në Superligë (XXVI)
10 April, 2019 @11:18
Pas ndeshjeve të përfunduara të xhiros XXVI të Superligës së Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë: DeShon Minnis (Rahoveci), Dardan Berisha (Prishtina), Mikaile Tmusic (Prishtina), Michael Mitchell (Lipjani) dhe Jordan Capps (Bashkimi).
Fundori amerikan i Rahovecit, DeShon Minnis, shkëlqeu kundër Prizrenit me 30 pikë, 13 kërcime e 4 asistime, derisa vreshtarët e mposhtën kundërshtarin me rezultat 69-86.
Dardan Berisha dhe Mikaile Tmusic janë dy lojtarë të Prishtinës që hyjnë në pesëshen e javës me performancat e tyre kundër Yllit. Berisha luajti me 31 pikë, 5 kërcime e 5 asistime, derisa Tmusic ishte afër shifrave triple-double. Ai luajti me 11 pikë, 11 kërcime e 8 asistime.
Në humbjen e Lipjanit ndaj Bashkimit, me double-double luajti Michael Mitchell prej 17 pikëve e 13 kërcime.
Jordan Capps me 26 pikë e 6 kërcime, ishte më i dalluari te Bashkimi, për ta përmbyllur kështu pesëshen më të mirë të xhiros XXVI.
