Vëllaznimi në finale

Pas fitores në ndeshjen e parë të gjysmëfinales së PlayOffit të Ligës së Parë, Vëllaznimi ka arritur të mposht Don Boskon edhe në ndeshjen e dytë dhe kështu ka arritur në finale.

Basketbollistët e Vëllaznimit kanë qenë në disavantazh në pjesën më të madhe të ndeshjes, por me mbrojtje të jashtëzakonshme në çerek të fundit, të cilën e morrën 7-23 kanë shënuar fitore në fund 68-76 për të bërë rezultatin e përgjithshëm 2-0 në të mirë të tyre dhe për të siguruar finalen.

21 prej 39 pikëve të Vëllaznimit në pjesë të parë i shënoi Atik Koshi. Ndërsa gjakovarët çerekun e fundit e nisën me 8-0.

Koshi e kreu ndeshjen me 25 pikë të shënuara duke qëlluar 4 prej 9 tentimeve për tre pikë. Gjithashtu shtoi 5 kërcime, 3 asistime dhe 2 topa të rrëmbyer në fitore.

PLAYOFF SKEMA

Edmond Kryeziu dha 23 pikë. Ky i fundit shutoi 5/11 për tre pikë sonte. Vëllaznimi minutat e fundit të ndeshjes i priti pa Taaj Ridleyn dhe Ardit Memqajn, që morrën nga 5 personale. Ridley bëri 11 kërcime prej të cilave 8 në mbrojtje dhe shënoi 8 pikë e një bllokadë.

Te Don Boskoja më efikasit sonte kanë qenë Rinor Ahmeti dhe Dion Haxhosaj me 22 pikë të shënuara secili që nuk mjaftoi për zgjatje të serisë. Haxhosaj regjistroi edhe 25 kërcime!!!

Vëllaznimi në finale të PlayOffit të Ligës së Parë do të luaj me Feronikelin.