IGOR MIHAJLOVSKI
Pamje nga ndeshja e mbrëmshme Sigal Prishtina - Kozuv/ Foto: balkanleague.net
Trajneri i Kozuvit: Nuk pritëm fitore të lehtë
13 January, 2017 @12:53
Trajneri i Kozovit, Igor Mihajlovski, pas fitores ndaj Sigal Prishtinës mbrëmë ka thënë se nuk e ka pritur një fitore aq të lehtë ndaj kampionit aktual të BIBL.
“Të dyja ekipeve iu duhej fitorja për të qëndruar në garë për fazën e dytë të BIBL. Ekipi ynë ka qenë vërtetë efektiv në mbrojtje dhe falë kësaj arritëm te fitorja. Ne nuk e kemi pritur një fitore kaq të lehtë dhe me këtë dallim,” ka thënë Mihajlovski pas ndeshjes, shkruan sot faqja zyrtare e ligës ballkanike.
Kozuv me fitore ndaj Sigal Prishtinës ka mbetur ende në shpresa për të kaluar në fazën tjetër të garave, ndërsa në dy ndeshjet e mbetura të ekipit deri në fund të fazës së parë, ata presin Sigal Prishtinën në xhiron e dhjetë të fazës së parë.
