Trajneri i ri i Rahovecit sot debuton

Përballja e Ligës Unike që llogaritet si ndeshje për xhiron përkatëse edhe në Superligë, do të jetë debutuese për trajnerin e ri të Rahovecit, Serhat Sehit.

Trajneri nga Turqia që përgjatë stinorit të kaluar ka qenë në krye të Trepçës së Mitrovicës ka ardhur në javën e kaluar te ekipi i vreshtarëve për të këndellur skuadrën, pasi që këta nuk kanë arritur të mposhtin asnjë skuadër të Superligës së Kosovës, pos Dritës.

TABELA AKTUALE E SUPERLIGËS

Serhat Sehit zëvendësoi Fotis Takianos në krye të KB Rahoveci, derisa në tranzicion ekipin e drejtoi kosovari i ri por me përvojë në bankë të skuadrave dhe kombëtares, Illmen Bajra.

Rahoveci pret Yllin sot në ora 17:00 në Mizahir Isma, ndërsa skuadra shpreson që të arrijë fitoren e parë ndaj një skuadre tjetër të Superligës këtë stinor. Në Ligën Unike, Rahoveci është me gjendje më të dobët në renditje, duke pasur bilans 0-3. Kurse në Superligë është e parafundit me bilans 2-7.