PRIZRENI - TREPÇA
Trepça e mposht përsëri Prizrenin, ngritet në krye të Superligës
4 November, 2021 @20:43
Skuadra mitrovicase Trepça, e mposhti edhe në ndeshjen e dytë të stinorit Prizrenin.
Trepça triumfoi në “Sezai Surroi” me rezultat 78-93.
Prizreni e nisi mirë ndeshjen, ku edhe çerekun e parë e mbylli me 12 pikë epërsi 27-15. Por këndellja e Trepçës nuk u vonua, duke shënuar 32 pikë dhe pësuar vetëm 12 pikë, Trepça nga -12 pikë, kaloi në 8 pikë epërsi.
Skuadra mitrovicase e thelloi epërsinë edhe në çerekun e tretë, derisa në çerekun e fundit e kontrolloi ndeshjen dhe arriti fitoren e radhës.
Taurus Cockfield me 20 pikë, 9 asistime e 4 kërcime ishte më i miri te Trepça, derisa u ndihmua edhe nga Drilon Hajrizi, Andrew Gordon e Valdrin Haxhiu me nga 14 pikë secili.
Te Prizreni u dalluan Ivan Koljevic me 20 pikë dhe Courtney Fells e Michael Green me nga 14 pikë secili.
Trepça me 7 fitore e 2 humbje ngritet në krye të Superligës, kurse Prizreni ka bilanc prej 5 fitoreve e 3 humbjeve.
Skuadra mitrovicase në xhiron e 10 do të takohet me Dritën, derisa Prizreni përballet me Yllin.
