Trepça nxjerr ndeshjen në çerek të fundit

Trepça ka arritur të shënojë fitoren e pestë të stinorit sot në Drenas, ku po luan si vendas, ndaj Yllit. 

Ekipi i Ilir Selmanit ka përfunduar gjithçka në minutat e fundit të çerekut të fundit të ndeshjes, kur lojtarët e ekipit të Mitrovicës morrën lojën nën kontroll dhe rikthyen epërsinë 10 pikëshe për skuadrën e tyre. 

Ylli në anën tjetër pas nisjes jo të mirë të ndeshjes, ka pasur paraqitje fantastike në dy çerekët në vazhdim (çereku II dhe çereku III). 

Të udhëhequr nga Charles Hammork, që tregoi lojë tejet të mirë, derisa Urim Zenelaj dominonte nën kosh - Ylli arriti epërsinë e parë në ndeshje 3 minuta para përfundimit të çerekut të tretë (52-54). 

Mirëpo, udhëheqësi i lojës së Trepçës, Ken Brown, prej këtij momenti doli në skenë dhe riktheu gjithçka në vend, 56-54, prej të cilit moment të gjelbërit nuk rrezikuan më. 

Ken Brown shënoi 27 pikë dhe regjistroi 14 asistime për double-double’in e tij, derisa nuk u pushua asnjë minutë në ndeshje. Ai ka pasur edhe shut impresiv për tre pikë, duke qëlluar 3 nga 4 tentime gjatë ndeshjes. 

Për të mirë ka befasar edhe i qeti Anthony Thompson që ka shënuar më së shumti pikë në ndeshje, 33. Ndërsa Samir Zekiqi, ka pasur përqindje fenomenale për tre pikë, duke ditur pozitën e tij, ku qëlloi 4 prej 5 tentimeve për tre pikë. 

Te Ylli, Charles Hammork me double-double prej 13 pikëve dhe 16 asistimeve ka qenë ndër më të dalluarit, derisa më efikasi ishte qendra vendore, Urim Zenelaj me 19 pikë të shënuara. 

Ndihmë nga banka Yllit i ka dhënë sonte Erris Nushi, që ka qenë perfekt nga largësia, duke shënuar 4 herë nga 4 tentimet për tre pikë - mirëpo, kjo nuk ndihmoi për fitore të ekipit të udhëhequr nga trajneri Agron Berisha. 

Trepça me këtë fitore përfundon ciklin e parë të ndeshjeve të Superligës në vend të tretë me bilanc 5-2, derisa Ylli aktualisht është në vendin e pestë me bilanc të kundërt nga mitrovicasit, 2-5. 

REZULTATET, TABELA AKTUALE

Statistikat ekipore:

	Trepça	Ylli
Çereku i parë	23	14
Çereku i dytë	19	25
Çereku i tretë	20	20
Çereku i katërt	28	16
Kërcime	35	41
Asistime	26	9
Bllokada	2	1
Topa të vjedhur	3	0
Topa të humbur	1	4
Tentime për tre pikë	9/17	6/12
Tentime nga loja	35/72	29/66
Tentime nga gjuajtjet e lira	11/13	11/17

Statistikat individuale te Trepça

1	Anthony Thompson	33 pikë	8 kërcime	1 asistim
2	Ken Brown	27 pikë	14 asistime	6 kërcime
3	Samir Zekiqi	16 pikë	5 kërcime	1 asistim
4	Marquiz Barker	5 pikë	6 asistime	1 kërcim
5	Fikret Handzic	5 pikë	6 kërcime
6	Valdrin Haxhiu	4 pikë	2 kërcime	1 asistim

Statistikat individuale te Ylli

1	Urim Zenelaj	19 pikë	8 kërcime
2	Charles Hammrok	13 pikë	16 kërcime
3	Najee White	13 pikë	9 kërcime
4	Erris Nushi	12 pikë	1 kërcim	1 asistim
5	Artin Gashi	11 pikë	4 kërcime	1 asistim
6	Derrick Washington	7 pikë	7 asistime	2 kërcime