RAHOVECI - TREPÇA
TOPSPORTI/ A.P
Trepça rrëmben fitoren nga duart e Rahovecit
5 December, 2018 @21:12
Ndeshja e dytë e ditës së sotme mes Rahovecit dhe Trepçës, përfundoi në mënyrë dramatike.
Skuadra mitrovicase formën e mirë e vazhdoi edhe në ndeshjen kundër Rahovecit, të cilët i mposhtën me rezultat 82-86.
Skuadra e trajnerit Ilir Selmani, gjatë gjithë ndeshjes ishte në disavantazh, por në kohë të duhur sulmuan shumë mirë dhe me mbrojtje agresive kaluan në epërsi në 37 sekondat e fundit të ndeshjes.
Edhepse Rahoveci tentoi të bëjë diçka më shumë në fund, mundi i tyre mjaftoi vetëm për ta caktuar rezultatin final.
Samir Zekiqi shkëlqeu me 28 pikë e 7 kërcime, derisa u ndihmua edhe nga amerikani Mark Dorris me 18 pikë, 7 asistime e 6 kërcime.
Te Rahoveci u dalluan Frederick Richardson me 24 pikë e 13 kërcime dhe Arian Qallaku me 15 pikë, 7 kërcime e 7 asistime.
Trepça në pesë ndeshjet e fundit shënoi katër fitore, derisa kjo ishte fitorja e tretë rresht për skuadrën mitrovicase që ka bilanc prej 5 fitoreve e 4 humbjeve. Ndërkaq Rahoveci aktualisht gjendet në pozitën e dytë me bilanc prej 7 fitoreve e 4 humbjeve.
