Trepça shpërthen në fund, mbetet e pamposhtura e vetme

Skuadra e Trepçës që drejtohet nga bullgari Lubomir Minchev është ekipi i vetëm i pamposhtur në Superligë.

Pas katër xhirosh në Superligë, vetëm mitrovicasit janë ekip që s’kanë pësuar, derisa Peja sonte me disfatën 83-66 [19-19, 22-15, 20-21 dhe 22-11] ka marrë humbjen e parë të stinorit në Superligë.

Pas çerekut të parë të barabartë, Trepça në të dytën ka treguar forcën, ndërsa e treta lehtë ishte në anën e mysafirëve, për tu këndellur plotësisht vendasit në çerek të fundit.

TABELA AKTUALE

Drilon Hajrizi me 17 pikë ka qenë më efikasi te Trepça, ndërsa Andrew Gordon dhe Gerald Blackshear kanë kryer lojën me double-double duke dominuar nën kosh plotësisht.

Gordon luajti me 13 pikë e 12 kërcime, ndërsa Blackshear me 15 pikë e 11 kërcime.

Te Peja më të dalluarit ishin Dardan Berisha dhe Arian Qallaku me nga 14 pikë të shënuara, ndërsa Steph Maxwell u ndalë në 13 pikë.

Berisha ka shutuar sonte 3/13 për tri pikë, ndërsa Qallaku 2/7.

Pas kësaj ndeshjeje Trepça me bilans 4-0 mbetet ekipi i vetëm me bilans perfekt në Superligë, ndërsa Peja pëson humbjen e parë, duke dalë ekipi i drejtuar nga Semsettin Bas me humbje nga fusha për bilansin 3-1.