Treshi i Gëzimit na ktheu në lojë

Basketbollisti më efikas i ndeshjes dhe njëri ndër lojtarët më meritor për fitoren e madhe të Yllit në trillerin ndaj Pejës, Erjon Kastrati pas ndeshjes ka thënë se treshja e Gëzim Morinës që çoi ndeshjen në vazhdime, i ktheu ata në lojë dhe kështu në fund e merituan fitoren, edhe pse edhe Peja ka qenë shumë afër asaj.

“Dy vazhdimet tregojnë që ka qenë lojë shumë e fortë. Peja nuk e ka pasur Dardanin [Berisha] mirëpo, secili që është futur në fushë ka kryer detyrën dhe ka luftuar deri në sekondat e fundit. Kanë qenë shumë afër edhe ata. Por ai treshi i Gëzimit [Morina] na ktheu në jetë dhe mendoj se e merituam pak më shumë këtë fitore,” ka thënë pas ndeshjes Kastrati.

Ylli - Peja këtë ndeshje e luajtën në kuadër të Ligës Unike, mirëpo kjo do të llogaritet edhe si dueli i tyre i radhës në Superligë dhe do të regjistrohet po ky rezultat për xhiron përkatëse.