ON FIRE
Triple double i 15 për Westbrookun
28 December, 2016 @10:46
Forma fenomenale e Russell Westbrookut, vazhdoi edhe në ndeshjen kundër Miami Heatit.
Ndeshja përfundoi në favor të Oklahomës me rezultat 106-94, ndërsa super ylli Westbrook, luajti përsëri me shifrat magjike triple-double duke shënuar me 29 pikë, 17 kërcime e 11 asistime, që ishte i dyshifror i trefishtë për herë të pesëmbëdhjetë për lojtarin në këtë stinor.
Oklahoma e regjistroi fitoren e katërt me radhë dhe të 20-tën në total, derisa i ka edhe 12 humbje.
Westbrook është 28 vjeçar, playmaker 191 centimetra i gjatë, ndërsa 5 herë ka qenë i përzgjedhur në NBA All Star ekipin e vitit, prej të cilave 2 herë MVP i ndeshjes. Në vitin 2015 është shpallë edhe kampion i pikëve të shënuara në NBA.
