TREPÇA
Turner, zëvendësuesi i Brownit te Trepça
22 November, 2014 @1:02
Largimi i dy të huajve, Yanko Dzhukev dhe Ken Brown, si dhe dënimi me dy ndeshje moslojë i Fikret Handzicit, ka bërë të domosdoshme drejtuesit e Trepçës që ta përforcojnë skuadrën me basketbollistë të ri.
Kështu, xehetarëve së shpejti do t’i bashkohet basketbollisti amerikan, Josh Turner, i cili luan në pozitën 2 dhe pritet ta mbulojë hapësirën e zbrazur nga Ken Brown, që ishte basketbollisti më i dalluar i skuadrës në ndeshjet që i lëmë pas.
Përforcimin e ri të Trepçës e ka konfirmuar për Borozani.com, vetë drejtori sportiv i këtij klubi, Naim Hajrizi.
Turner në stinorin e kaluar ka luajtur në Kanada për skuadrën Calgary, ku ka pasur 21 paraqitje me mesatare prej 12.5 pikëve, 3.0 kërcimeve dhe 1.3 asistimeve për ndeshje.
Me Turnerin, xehetarët tani do të kenë tre të huaj në skuadër, së bashku me amerikanët e tjerë, plejmekerin Marquiz Baker dhe qendrën Anthony Thompson.
Trepça në ndeshjen e fundit ka pësuar humbje të thellë duke u mposhtur nga Vëllaznimi në Gjakovë.
Video
