Turqia s’ka shije

Pas humbjes befasuese dje ndaj Finlandës, përfaqësuesja e Turqisë ka pësuar edhe humbjen e dytë me radhë. Kësaj radhe turqit u mposhtën nga Italia, e cila e regjistroi fitoren e dytë në Eurobasket.

Ndeshja e cila kaloi me dominimin e italianëve, përfundoi me rezultat të thellë 90-75.

Mbrojtja turke nuk zgjidhje për dyshen italiane, Pietro Aradori (23) dhe Alessandro Gentile (20), të cilët së bashku shënuan 43 pikë, derisa Nicolo Melli e përfundoi takimin me double-double duke realizuar 14 pikë dhe 10 kërcime.

Tek Turqia më të dalluarit ishin Hidayet Turkoglu dhe Omer Asik, të cilët shënuan nga 12 pikë secili.

Serbia e fortë për Bosnjën

Derbi i dy shteteve ish jugosllave, Bosnjës e Hercegovinës dhe Serbisë, përfundoi me fitoren e kësaj të fundit, e cila triumfoi me rezultat 67-77.

Stefan Markovic ishte koshashënuesi më i mirë te serbët me 15 pikë, derisa 17 pikët Nihad Djedovic dhe 16 të tjerat e Mirza Teletovic ishin të pamjaftueshme për t’i shmangur humbjes së boshnjakëve.

Çekia njoftohet me fitoren

Republika Çeke ka regjistruar fitoren e parë në Eurobasket pasi e mposhti Poloninë me rezultat të ngushtë 68-69.

Çekët fitoren e siguruan vetëm katër sekonda para përfundimit të takimit, kur 33 vjeçari Lubos Barton shënoi trepikësh dhe u bë heroi i ndeshjes.

Koshashënuesi më i mirë i takimit ishte Jan Vesely nga Republika Çeke me 23 pikë, derisa për Poloninë më i miri ishte Michal Ignerski me 17 sosh.

Gjermania - Belgjika, vetëm pas vazhdimeve

Fituesi i takimit ndërmjet Gjermanisë dhe Belgjikës u përcaktua vetëm pas vazhdimeve, pasi pjesa e rregullt e ndeshjes përfundoi me rezultat të barabartë 63-63.

Në fund fitores i’u gëzua Belgjika, e cila e fitoi ndeshjen pranë rezultatit 73-77.

Në fitoren e parë të belgëve në Eurobasketin e sivjetëm, u dallua dyshja Jonathan Tabu dhe Sacha Massot, të cilët shënuan nga 15 pikë secili, derisa Robin Benzing edhe pse realizoi 24 pikë, nuk arriti ta ndalojë humbjen e ekipit të tij.

Rezultatet e ndeshjeve