FIN-ishi fenomenal

Pas triumfit ndaj Turqisë, Finlanda edhe në ndeshjen e dytë nuk u ndalë. Kësaj radhe, finlandezët arritën ta mposhtin Suedinë, me rezultat 81-60, ndërsa loja ekipore e tyre, solli fitoren e dytë.

Më të mirët tek finladezët ishin, Gerald Lee me 14 pikë dhe Kimmo Muurinen me 12 sosh. Në anën tjetër, Jeffery Taylor u dallua me 19 pikë, por nuk mjaftuan për fitoren e parë të sudezëve.

Kësaj radhe Letonia

Mali i Zi, në ditën e parë të kampionatit, e mposhti Maqedoninë, në sekondat e fundit. Kësaj radhe, pikërisht në sekondat e fundit, malazezët e shijuan humbjen nga Letonia. Heroi i ndeshjes ishte Kristaps Janicenoks që shënoi në sekondat e fundit. Gjithashtu ai ishte edhe koshashënuesi më i mirë i ndeshjes me 15 pikë.

Tomic sjell fitoren

Ante Tomic, ia solli fitoren Kroacisë në sekondat e fundit. Pas humbjes së thellë ndaj Spanjës, kroatët arritën ta mposhtin Gjeorgjinë me rezultat të ngushtë 77-76. 

Në ndeshje u dalluan lojtarët si Dontaye Darper (16), Bojan Bogdanovic (15) dhe Dario Saric (12).

Ukraina befason

Skuadra e Ukrainës, pas fitores ndaj Belgjikës, fitoren e dytë arriti ta regjistroj kundër Izraelit, të cilin e mposhti me rezultat 74-67. Rol të rëndësishëm në fitoren e ukrainasve, luajti Sergii Gladyr me 17 pikë të shënuara. 

Rezultatet e ndeshjeve