Valencia konfirmon trajnerin Voro Gonzalez

Njëra ndër skuadrat e famshme spanjolle, Valencia, është në krizë të rezultateve këtë stinor dhe aktualisht po lufton për mbijetesë.

Pas largimit të Pako Ayestaranit në shtator dhe Cesare Prandellit në dhjetor 2016, ekipi ka konfirmuar se detyrën e trajnerit deri në fund të stinorit do ta vazhdojë Salvador ‘Voro’ Gonzalez, që deri tash ka punuar si ndihmës.

“Klubi dëshiron që të bëj të ditur se i ka besuar plotësisht punën Voro Gonzalezit për të përmirësuar gjendjen në skuadër, aktualisht të vështirë,” ka shkruar komunikata zyrtare e klubit në valenciacf.com sot.

Valencia është aktualisht e 17-ta në La Liga. Ajo ka vetëm 3 fitore nga 16 ndeshje të zhvilluara këtë stinor. Ekipi nuk ka shënuar fitore që nga 16 tetori i vitit të kaluar në ligë dhe tashmë ka 8 xhiro pa fitore në Primera Division.

Të dielën në mesditë ekipi i ‘lakuriqëve’ pret Espanyloin në “Mestalla”.