KASTRIOTI (F) - VËLLAZNIMI (F)
Vashat e Kastriotit e regjistrojnë fitoren e parë
19 October, 2019 @14:55
Ndeshja hapëse e xhiros së dytë në Ligën e Femrave, përfundoi me fitoren e Kastriotit ndaj Vëllaznimit me rezultat 48-43.
Gjatë gjithë ndeshjes rezultati ishte i ngushtë, derisa në 10 minutëshin e fundit, vashat e trajneres Kimete Haliti, u treguan më të suksesshme dhe e regjistruan fitoren e parë.
Sikurse në xhiron e parë, edhe në këtë ndeshje më e mira e Kastriotit ishte Agnesa Rrahmani. Ajo prej 48 pikëve të skuadrës në total, i shënoi 31 pikë dhe i rrëmbeu 16 kërcime duke qenë e pakapshme në parket.
Te skuadra gjakovare më e mira ishte Rina Hoda me 17 pikë.
Kastrioti me një ndeshje më shumë përkohësisht u vendos në krye të tabelës me 3 pikë.
Në xhiron e tretë Kastrioti takohet me Bashkimin, kurse Vëllaznimi me Penzën.
