Viti 2016 nis nesër për Pejën

Stinori perfekt në Superligë, triumfi në Superkupë si dhe fitoret në derbi ndaj Prishtinës, kanë bërë që Peja të llogaritet ndër favoritët kryesorë për të zënë vendin e parë në Superligë këtë stinor në stinorin e rregullt. 

Ekipi ka nisur përgatitjet për pjesën e dytë të stinorit para 4 ditësh, ndërsa që nesër do të nisin me ndeshjen e Kupës së Kosovës, ku takohen me Kerasan Prishtinën. 

Ndeshja Peja - Kerasan Prishtina zhvillohet nesër me fillim nga ora 17 në palestrën “Karagaç” të Pejës. 

Drejtësinë në këtë ndeshje do ta ndajnë: Daut Mehmeti, Xhelal Mumini dhe Fitim Gashi. 

Ndeshja i takon rrethit të dytë të Kupës së Kosovës dhe fituesi kalon në rrethin e tretë. 

Peja është mbrojtëse e trofeut të Kupës së Kosovës, pasi që stinorin e shkuar kishte mposhtur Sigal Prishtinën në finale të Final Fourit të Kupës në Suharekë.