VLLAZNIA - RAHOVECI
Vllaznia triumfon, Rahoveci mbetet pa fitore
20 November, 2019 @20:54
Skuadra e Rahovecit ka mbetur pa fitore edhe pas katër ndeshjeve të para të zhvilluar në sezonin e parë të tyre në BIBL.
Vreshtarët kanë qenë të pafuqishëm kah fundi i takimit për t’i bërë ballë lojtarëve të Vllaznisë së Shkodrës, që në Qazim Dervishi kanë shënuar fitoren e parë të tyre të stinorit në këtë garë, duke e mposhtur Rahovecin 73-68 [20-12, 19-17, 22-24 dhe 12-15].
Colin James Voss ka qenë lojtari kryesor në fitoren e shkodranëve, duke shënuar 21 pikë e 9 kërcime në fitore.
Me double-double ndeshjen e përfundoi Nicholas George Evans që dha 13 pikë e 10 kërcime.
Në anën tjetër te ekipi i Rahovecit performanca monstruoze e Joshua McFolley, që luajti pa pushim tërë ndeshjen, duke shënuar 32 pikë (8/14 për tre pikë) s’ka mjaftuar. Përveç tij, i vetmi që ka shënuar pikë dyshifrore në skuadër ka qenë Javis Howard, 14 sosh.
TABELA AKTUALE E BIBL:
1. Ibri 2-1
2. Peja 2-0
3. Academic 2-0
4. Vllaznia 1-2
5. Rahoveci 0-4.
