Warriors shkruan historinë

Trajneri Luke Walton beson se do të vijë dita kur Golden State Warriors do të humb këtë stinor. Por Stephen Currry pas ndeshjes ka thënë se dyshon shumë për këtë ditë. 

“Dyshoj. Dyshoj se do të mposhtemi,” ka thënë Curry pas ndeshjes duke qeshur. 

Kampioni aktual i NBA-së, Golden State Warriors, ka shënuar rekord të ri në ligë, duke regjistruar fitoren e 16-të me radhë në stinor, për t’u bërë ekipi me startin më të mirë në histori të NBA-së. 

Warriors mposhti Lakersin 111-77 në ndeshje ku MVP i stinorit të kaluar, Curry, shënoi 24 pikë dhe 9 asistime në fitore. 

Agoninë e Lakersit e ka komentuar edhe ylli veteran i tyre, Kobe Bryant. “Mund t’i shënoja edhe 80 pikë në ndeshje, por dallimin në lojë s’mund ta bënim.” Bryant përfundoi ndeshjen me 4 pikë të shënuara derisa Lakers ka bilanc 2 fitore e 12 humbje në 14 ndeshjet e para të stinorit.