Ylli arrin Final Fourin

Ylli ka arritur të hyjë në Final Four të Kupës së Kosovës duke e mposhtur Bashkimin në Suharekë 77-75 në një ndeshje derbi basketbolli dhe me tensione. 

Derrick Washington me 21 pikë e 10 asistime dhe Najee White me 19 pikë e 14 kërcime kanë qenë basketbollistët më të dalluar te Ylli, derisa Bashkimi nuk do të jetë pjesë e katërshes finaliste të Kupës për herë të parë pas dy finaleve të zhvilluara në tre vitet e fundit. 

Te Bashkimi, Kreshnik Juniku me 21 pikë dhe Tom Tankelewicz me 15 të tjera kanë qenë më të dalluarit. 

Ylli nisi shumë më mirë ndeshjen duke krijuar epërsi 8 pikëshe pas 10 minutave të para të lojës. Bashkimi sadopak këndellet në çerekun e dytë, por suharekasit e përmbyllin në epërsi 4 pikëshe pjesën e parë të ndeshjes. 

Çereku i tretë nisi me furi të prizrenasve të cilët dolën edhe në epërsi, por djelmoshat e Agron Berishës u kthyen shpejtë në lojë për të marrë epërsinë para çerekut vendimtar të lojës. 

Ylli njëherë thuajse fitoi ndeshjen pasi që krijoi epërsi 8 pikëshe kah mesi i çerekut të katërt, por Bashkimi i bëri ballë dhe arriti të minimizojë epërsinë, derisa në minutat e fundit u luajt me faulime taktike. 

Artin Gashi i Yllit (16 sekondat e fundit të ndeshjes) nuk qëlloi asnjë gjuajtje të lirë pranë rezultatit 74-72, derisa kapi topin në kërcim në sulm. Fauli i radhës për Yllin dhe Derrick Washington (12 sekondat e fundit të ndeshjes) shënoi 2 herë tjera, derisa në sulmin tjetër Adnan Mustafa i Bashkimit qëllon treshe për 76-75, 4 sekonda pa përfunduar loja. 

Në faulin tjetër, Arian Qallaku i Yllit shënon gjuajtjen e lirë, njërën nga të dyjat, për fundin dramatik, 77-75 për suharekasit. 

Pas pak statistikat e ndeshjes. 

Statistikat individuale te Ylli

Statistikat individuale te Bashkimi